Guddoomiyaha Aqalka Sare ee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi, ayaa hoyga uu ka dagan yahay Magaalada Muqdisho kulan kula qaatay Guddoomiyaha Golaha Shacabka Baarlamaanka Jamhuuriyadda Federaalka SoomaaliyaMudane Sheekh Aadan Maxamed Nuur (Madoobe).
Kulanka ayaa looga hadlay dardargelinta howlaha Baarlamaanka labadiisa aqal iyo ka shaqeynta shuruucda muhiimka u ah horumarka dowladnimo ee dalka.
Sidoo kale labada Guddoomiye ayaa isla gartay wada shaqaynta labada aqal ee Baarlamaanka iyo ka howlgalida shuruucda muhiimka ah dalka inta ka harsan kalfadhiga lixaad.
